نص كلمة السيسي خلال اجتماعه مع الإعلاميين 16/12/2024
3:33
القيادة الاستراتيجية هي قيادة الدولة، مش قيادة عامة، آدي واحد. اتنين، فيها منشآت لإدارة الدولة، مش لإدارة القوات المسلحة بس. فـ... عملنا فكرة الانتقال للعاصمة، وبردو بقولها لكو، و.. وإنتوا عارفين أنا راجل صادق، ما بعرفش الكدب أبدًا، أبدًا.. خالص الحمد لله.. آآ.. قرش.. قرش.. من الدولة لأ.. قرش منين؟ دي فكرة.
موضوع الإدارة الجديدة. في تواصل مع الإدارة الأمريكية في حجم الثقة المتبادل بينا إحنا الاتنين. آآ.. رأينا محل تقدير وقبول لـ.. لديهم، وإحنا هنكمل على ده عشان إيجاد حلول للقضايا العالقة زي قضية غزة والقضايا الأخرى زي قضية السودان، و.. وسوريا طبعًا. ده فيما يخص باختصار جدًا.. ثم للعلاقة الاستراتيجية على مدى الـ 40 سنة اللي فاتت، تعرضت لاختبارات كتيرة، وأكدت أو أثبتت التجارب إن هي علاقة صامدة وقوية وقادرة، و.. وال، وال.. والتجارب أكدت كده. ثم أكدت التجارب أيضًا حاجة آآ الولايات المتحدة الأمريكية لاستمرار وثبات علاقاتها الاستراتيجية في مصر.
سوريا اللي تقصدها في أيام محمد علي غير سوريا بتاعة دلوقتي. موقعها الجيوسياسي قوي، ولكن في نفس الوقت آآ في محددات بتحكمها، إلى أن يشاء الله سبحانه وتعالى إن هو ينجي البلاد بصحابها، مش بمعجزات، بإيه؟ بأصحابها. اللي بياخدوا القرار هم أصحاب البلد، يا يهدوها، يا يبنوها. فالكلام اللي بنقوله ده يعني الناس كلها إنتوا عارفينه أكتر مني يعني.
طب إيه التحدي اللي موجود عندنا في مصر؟ التهجير القسري، أي تهجير قسري. الخطر التاني طبعًا خطر ممكن تكون في رغم كل الجهد الأمني اللي موجود عندنا إن يبقى في جماعات أو عناصر، خلايا إيه، نايمة، والأخير هو الداخلي، بفضل الله سبحانه وتعالى، وبفضل اصطفاف المصريين، اللي مستمر رغم كل التحديات، المصريين على مدى من 2011 لغاية انهارده، وقفتهم اللي حمت بلدهم، ولا آآ، طبعًا إن في مؤسسات موجودة ده كويس، في جيش موجود ده كويس، في آآ قوات شرطة مدنية أو من خلال أو وزارة الداخلية ده كويس.. لكن في إرادة شعب، أرادوا وفهم، أرادوا فهم، وخلو بالكو من الكلمة دية، المصريين أرادوا وفاهمين، مش أرادوا وبس، بدليل إن هم رد فعلهم تجاه كل التطورات آآ رد فعل واعي جدًا، فاهم جدًا، وإنتوا بتشوفوا مواقع التواصل، وتعليقات الناس و.. الكلام اللي بيتقال ده هو ده اللي مطمني، إن الناس في مصر منتبهة وفاهمة ومصدقة ومستحملة، عشان بلدها. الشعب المصري هو حصن مصر، وطبعًا ربنا قبل الكل يعني.
فـ.. ما تقلقوش، بفضل الله سبحانه وتعالى. طب ليه؟ حاجتين أنا ما عملتهمش: بفضل الله سبحانه وتعالى، إيدي لا اتعاصت دم حد، ولا إيدي خدت مال حد. فربنا يحفظها طول ما المصريين على قلب رجل واحد وإيد واحدة، هم مع جيشهم ومع شرطتهم، ما حدش ها يقدر يعمل حاجة. فـااا.. كل سنة وإنتوا طيبين، وأسركم بخير وسلام، وبلدنا بخير وسلام.
ألقيت الكلمة في مقر القيادة الاستراتيجية بالعاصمة الإدارية الجديدة، حيث عقد الرئيس عبد الفتاح السيسي اجتماعًا مع عدد من الإعلاميين بحضور رئيس الهيئة العامة للاستعلامات، ضياء رشوان، والإعلامي أحمد موسى، والكاتب الصحفي مصطفى بكري.